Shkolla shqipe e mësimit plotësues "Naim Frashëri", Oslo - Norvegji

Sot ishte një ditë mirënjohje për nxënësit e shkollës shqipe plotësuese "Naim Frashëri", ku nxënësit Arbesa Sulejmani, Leutrim Sulejmani, Edi Provoliu, Aida Rexhepi dhe Dëbora Neziri u shpallën si nxënësit më shembullor të vitit. Në shenjë mirënjohje këtyre nxënësve u nda nga një dhuratë simbolike nga ana e arsimtarëve Imri Trena, Rexhep Kurtishi dhe Ramush Zharku.

Urojm që të gjithë së bashku të vazhdojm me aktivitete edhe më tutje, të jemi më të zellshëm dhe të synojm ruajtjen e identitetit, kulturës dhe gjuhës tonë amtare. Ju përshëndesim dhe ju urojmë nxënësve të kësaj qendre shkollore suksese edhe në të ardhmen.
 

Fotografitë mund ti shihni KËTU.

7 Marsin e kujtojmë me respekt të thellë për mësuesit dhe rilindasit e parë shqiptarë të cilët na e lanë amanet gjuhën shqipe, të cilën e flasim tani. Mësuesit - prindërit tanë të dytë, u sakrifikuan me vite të tëra, andaj shprehim falënderimin për gjithçka që bënë për ne, për durimin që kishin dhe për tërë diturinë që mbollën në ne.

Të gjithë atyre që punuan dhe punojnë në mësimdhënie, ua urojmë Ditën e mësuesit.

Me vargjet e mëposhtme nga i madhi Ndre Mjeda ju urojm 7 Marsin të gjithë edukatorëve, mësuesve, arsimtarëve dhe profesorëve, parashkollorëve, nxënësve dhe studentëve!

Ndera e Fëmijve Për Mësues

Te ju që lodheni me ne gjithë ditën,
Kjo mende e vorfën, kjo zemër shkon;
E sa t'kem' shpirtin, sa t'shofim dritën,
Dashtninë e nderën gja s'na pakon.

Nji bimë e vogël, lanun n'shkreti,
E pamire rritet, pa fuqi t'vet;
Po, me lmue dora e bujkut t'ri
Sa lule t'bukura e shuemja* qet.

Na jemi t'vorfën... si me e pague
Kët farë kujdesi, gjithë kët trazim?
Por kemi 'j zemër, ani, kët jue,
O mjeshtra t'dashtun, ju falim shqim.*

Ju cenë* ndër k'ndime, ju ndigjesë doni,
Kët nderë për t'mira lypni peshqesh.
e na mbas k'ndimesh, mbas pun'sh që m'soni,
Do t'shkojmë, si zemra ju do'prej nesh.

-----
*) e shuemja - e mjera.
*) shqim - krejt, fare.
*) cenë - a zelli.

E Diela, ishte me të vërtet një ditë e mrekullueshme, me dëbor dhe kohë të mirë e cila nxënësit e dy shkollave në Oslo, atë të mësim-besimit dhe atë të mësimit plotësues shqip e kaluan me shumë kënaqësi.

Të pajisur me ski, saja, veshje të duhur dhe ushqim të bollshëm nxënësit por edhe prindërit e tyre ishin mbledhur tek vendi i caktuar dhe shijuan mrekullit e natyrës së luginës, gjegjësisht vendit përkatës për skijatorët fillestar në Tryvann. Vend ky i përshatshëm dhe i rregulluar mirë me pista të duhura dhe teleferik që mundësonte skijim të rehatshëm dhe të lezetshëm për fillestarët tanë.

 
Shumica nga fëmijët tanë dinin të rrëshqasin me ski dhe të lëshohen me saje pa patur aspak frikë, bile edhe prindërit ishin ata që i inspironin edhe më tepër fëmijët e tyre.

QIKSHN së bashku me këshillin e prindërve dhe me ndihmën e vetë prindërve u munduan që kjo ditë të jetë sa më e bukur dhe më e hareshme për fëmijët tanë, dhe  u realizua po aq mirë sa që fëmijët u kënaqen aq shumë dhe nuk mungonin urimet nga vetë prindërit për vet organizimin.

U sigurua ushqim në zgarë dhe pije të shumta për fëmijet edhe për prindërit, ku në formë vullnetare dhe duke sjell cdokushi dicka nga artikujt ushqimor u bë edhe më e begatshme tryeza e ushqimit ku dhe shumë nacionalitete të tjera të ardhura at ditë për skijim në Tryvann morën lakmi nga organizimi ynë i përbashkët dhe mirë i menaxhuar dhe mirë organizuar.

Pas kërkesës dhe interesimit të madh që të Dielën e ardhëshme të organizohet një ditë skijimi, këshilli prindorë pranë dy shkollave me pëlqimin e QIKSH-it dhe kolegjiumit arsimor pranë qendrës vendosi të organizon shëtitje, ditë skijimi në Tryvann.

DATA: 26.2.2012 (E Diel)

ORA: 11:00 – 17:00
VENDI: Tryvann - Tryvannsveien (është para Tryvann skisenter në të djathtë).

Aty ka parkingje në të dyja anët e rrugës dhe orientohuni në një flamur të kaltërt me shkronjën "B" që valvitet në shtizë të gjatë.